د یو ګیلاس یخو اوبو پوښتنه هم کیږي
په یوه کیسه کي راځي چي یوه ورځ رسول الله ص غرمه مهال له کوره څخه مسجد ته ولاړی چي لمونځ وکړي اوله خدای ج څخه روزي او خواړه وغواړي، څو شېبې وروسته حضرت ابوبکرصدیق رض هم مسجد ته راغلی لمونځ يې وکړی او دخدای ج څخه یې خواړه او روزی وغوښتله، لږ وخت وروسته حضرت عمر فاروق رض راغلی لمونځ یې وکړی او بیا یی دهغوی دواړو په شان دعاوکړه،نبې کریم ص پوښتنه ځیني وکړه چی په دې ټکنده غرمه اوګرمی کی څنګه راغلی یاست؟ هغوی وویل یا رسول الله دلوږي له لاسه؛ بیایې له رسول الله ص څخه دهغه دراتلوپه اړه پوښتنه وکړل،مبارک ص وفرمایل:زما دی په هغه ذات قسم وي چي زما روح یې په لاس کي ده هغه شی چي تاسي یې له کوره راایستلي یاست زه یې هم راایستلی یم.
په دې وخت کي ټوله دحضرت ابوایوب انصاري رض کورته ورغلل؛ ابوایوب چي له رسول الله ص سره یې لیونۍ مینه درلودله سمدلاسه یی یو سیرلی حلال کړی او دهغوی مخی ته یې کښېښودی، د خوړو وروسته رسول الله ورته وفرمایل:دقیامت په ورځ به د دې الهی نعمت پوښتنه کیږي،ابوبکرصدیق رض وویل:له درې ورځو لوږي وروسته؟
رسول الله ص ورته وفرمایل:هوکې! له هغه چا څخه به دهغه یوه ګیلاس یخو اوبو پوښتنه هم کیږی چی په دې نړی کي ېې څښلی دي.
دنبوي خویونو له کتاب څخه
