په شهدو سره علاج کول

دکتور کفایت الله وردګ

 الله جل جلاله  د شهدو په باره په قرآن کریم کې هم فرمایلي دي چې پدې کې شفاء ده او د شفاء لپاره د شهدو استعمال هم سنت دي د حضرت ابی سعید الخدري  رضی الله عنه څخه روایت دی هغه فرمایي : أَنَّ رَجُلاً أَتَى النَّبِيَّ صلى الله عليه وسلم فَقَالَ: أَخِي يَشْتَكِي بَطْنَهُ. فَقَالَ: اسْقِهِ عَسَلاً ، ثُمَّ أَتَى الثَّانِيَةَ، فَقَالَ:  اسْقِهِ عَسَلاً ، ثُمَّ أَتَاهُ الثَّالِثَةَ فَقَالَ: اسْقِهِ عَسَلاً ، ثُمَّ أَتَاهُ فَقَالَ: قَدْ فَعَلْتُ. فَقَالَ:  صَدَقَ اللهُ، وَكَذَبَ بَطْنُ أَخِيكَ، اسْقِهِ عَسَلاً ، فَسَقَاهُ فَبَرَأَ. صحیح البخاري

ترجمه : یو سړی رسول الله  صلی الله علیه وسلم  ته راغلو ورته یې وویل : ورور ته مې د خیټې تکلیف دی رسول الله  صلی الله علیه وسلم  ورته وویل : شهد ور باندې وڅښه  بیا دوهم ځلي ورته راغی بیا یې ورته وفرمایل : شهد ور وڅښه  بیا دریم ځل ورته راغی بیا یې ورته وویل : شهد ور وڅښه  بیا ورته راغلو ویې ویل : ور ومې څښل  بیا رسول الله  صلی الله علیه وسلم  ورته وفرمایل : الله جل جلاله  رښتیا ویلي دي (چې په شهدو کې شفاء ده) او ستا د ورور خیټې درواغ ویلي دي شهد ور وڅښه  بیا یې ور وڅښل بیا جوړ شو . 

  یاد ګېرنه : دا لړۍ مونږ ددې لپاره شروع کړې چې تر تاسې پورې یو سنت در ورسیږي ، که لتاسې نه هېر شوي وی در په یاد به شي ، که تاسې ته په یاد وي ستاسې لپاره به تکرار شي  او که ستاسې نه وو زده دا به ستاسې لپاره نوي او مبارک معلومات شي د صدقه جاریه په نیت یې له خپلو ملګرو سره شریکول او ثواب ګټل یې ستاسې کار دی .