د الکترونیکي تذکرې شرایط او فورمې
د الکترونیکي تذکرې د اخیستلو اصول
د کورنۍ مشر باید څوک وي؟ هر سړی چې واده ولري د خپلې کورنۍ مشر دی، په کورنۍ کې ورسره ښځه او بچي راځي
که د یو چا پلار مړ وي یا یې پلار ضعیفه وي بیا ؟
که د یوې کورنۍ مشر کمزوری یا مړ وي نو مجرد ځوی یې د کورنۍ مشري اخیستلی شي خو چې عمر یې له ۱۸ کالونو زیات وي، که چیرې یو کس سره یواځې مور یا یواځې پلار وي کولای شي ځوی سره تذکره واخلي
فورمې څنګه ډکې کړو؟
دوه ډوله فورمې دي ۱ کورنۍ فورمه ۲ انفرادي فورمه
۱ کورنۍ فورمه:
کورنۍ فورمه کې د یوې کورنۍ ټول غړي رسول کیږي لکه د کورنۍ مشر، میرمن یې ، بچي یې او د ضرورت په وخت کې خور ، مور ، پلار، ورور او ځینې نور نژدې کسان
انفرادي فورمه:
د کورنۍ هر غړي ته چې تذکره اخیستل غواړي انفرادي فورمه ډکیږي مثال یوه کورنۍ ۶ غړي ولري او۳ کسان یې الکترونیکي تذکرې اخیستل غواړي درې یې مسافر دي نو په کورنۍ فورمه کې به ټول کسان لیکل کیږي او انفرادي فورمې به یوآځې هغو ۳ کسانو ته ډکوي چې څوک دلته وي او تذکرې اخیستل غواړي
دولتي تصدیق / ملک تصدیق او ولسوالي تصدیق / وکیل ګذر او ناحیه تصدیق:
څوک چې کاغذي تذکره ولري تصدیق ته یې ضرورت نشته
که چیرې د چا کاغذې تذکره نه وي او عمر یې له ۱۸ کالونو زیات وي نو بیا ورته تصدیق اړین دی او که عمر یې ۱۸ کالونو نه کم وي نو د پلار تذکرې په اساس یې تصدیق کیږي
