سرچوک اوازې (فیسبوکي خبریلان)
کار شوی وي یا نه وي شوی خو ټول فیسبوک پرې ډک وي که د خوښۍ خبره وي هغه خو هسې هم هر شخص د ځانته کش کوي خو ځینې وخت ځینې ناوړه پیښې هم دومره غلطې خپرې شي چې پکې خلک په یوه هم باور نشي کولای
هغه متل دی وایې چې رښتیا راځي دروغو به کلي وران کړي وي دلته هم همدغه خبره ده مسلکي خبریالان نشته ټول فیسبوک ته ناست خلک دي او چې یو څو کسانو پوسټ وکړ نو پسې د دوئ نوبت وي چې زر خپلو فیسبوکي مینوالو ته یو څه ورسوي د بښنې خبره خو یې بیخي تکراري او بې خونده وي ځکه یو ځل خو یې نه وي چې وبښئ غلطي وشوه په هره اونۍ او میاشت کې یې یو دغسې پوسټ راځي
خبریالانو ته هم باید ووایو چې له مرګ مخکې مه مرۍ لږ صبر وکئ ځان پوره مطمین کړئ او بیا تر ولسه مالومات ورسوئ داسې نه چې کله د یاسیني ټانکر په نوم خبرونه خپاره کړئ کله د اریانه شرکت الوتکه راوغورځوئ ، کله هوايي سوله راولئ او کله هوایي دهلیزونو کې میلینونه افغانۍ راباندې وګټئ
