شفق که شهزاد؟ په یو بندیز او له بل بندیز لرې کول دي او بس
شپږیزه سیالیو کې لوبې شفق نه د کرکټ بورډ چارواکو خرڅې کړې وې !
د افغانستان د کرکټ ملي لوبډلې په لوبغاړي شفیق الله شفق باندې تر نا معلومې مودې پورې د افغاستان کرکټ بورډ له لوري بندیز ولګیده، کرکټ بورډ یې علت د ناسمو لوبو ترسره کول یادوي خو باید یادونه وکړو چې ملامت شفق نه بلکې د کرکټ بورډ چارواکي دي
سپین غر زمریانو لوبډله کوم سپانسر وانخیسته او کرکټ بورډ د همدې لپاره ځان سره وساتله چې پرې د خپلې خوښې لوبې ترسره کړي، همغسې وشول د بولۍ په وخت کې د کرکټ بورډ ناستو چارواکو د لوبغاړو په اخیستلو کې خپل ډبل ډبل کمیشن ووهه او داسې لوبډله جوړه شوه چې ټولو فکر کولو دغه لوبډله به د سیالیو ګټونکې لوبډله وي ، د شپږیزې په جریان کې د انتخاب شوو لوبغاړو په مرسته هرې لوبې ته بدلون ورکول کیده
پدې خبره ښایي عام خلک ښه ونه پوهیږي چې په لوبو کې څنګه فیکسنګ کیږي خو د یوه لوبغاړي او بیا د غټې سطحې لوبغاړي ته دا عادي خبره ده چې لوبې دې څنګه فکس او لوبډله دې څنګه له ګټلې لوبې بایللې او له بایللې لوبې ګټلې لوبې ته راوګرځوي
په دا ډول فیکسینګ لکونه روپۍ وهل کیږي او یوآځې د یوې لوبډلې لوبغاړي نه بلکې د دواړو لوبډلو لوبغاړي په فیکسینګ کې ننباسل کیږي
شپږیزه سیالیو کې ماته یو کس له پیښوره زنګ وهه چې نن پلانکۍ لوبډله لوبه ګټي او ماته پکې دومره پاتې کیږي نو خبره داسې ده چې مخکې له مخکې د دغو نا سپانسر شوو لوبډلو لپاره کسان کینول شوي و چې د پیسو په مقابل کې دې د لوبې ګټل او بایلل برابر کړي کومه کې چې د دې دلالانو فایده همغې ډول ته یې لوبې څرخولې
په داسې وخت کې د دې موضوع رابرسیره کول عادي خبره نده بلکې دا د هغه پلان یوه برخه ده کوم کې چې د خپلو خپلوانو او په پیسو د کسانو مخته کولو لپاره برابر شوی
شفق به تر نړیوال شل اوریزه جام سیالیو پورې بندیز کې اوسي شهزاد ته چې بندیز پرې لګیدلی و براعت به وشي او د شل اوریزه نړیوال جام ته به د شفق په ځای واخیستل شي د شهزاد راوستلو او لوبو لپاره نور ځایونه هم برابریدی شي خو شفق د دې لوبې ښکار کول ندي پکار شفق که ویکټ ساتونکی نه غواړئ نو شهزاد ته دې دغه ځای وسپارل شي او شفق دې په سیالیو کې د احتیاطي لوبغاړي په توګه واخیستل شي
که چیرې شهزاد او شفق دواړه په لوبډله کې وي نو بیا د یو الراونډر ځای کمیږي چې ښاغلي کریم جنت ته په لوبډله کې د لوبیدو چانس کمیږي
بانډ کې خپل یو لوبغاړی لوبول که څه همداسې برېښیده چې شفق دې د اصغر سره ډیرې ښې اړیکې ولري او د راشد او نبي سره دې هم هرې موضوع کې ولاړ اوسي خو بیا هم یا خو سره پوه نشول او یا یې له شفق بل وفادار کس موندلی
دا خو یو څو دلیلونه شول چې د شفق بندیز لګیدو په اړه مو را ولیکل داسې نور ډیر دلیلونه شته لکه سیاسي لوبغاړي لوبول ـ په فیصدۍ لوبغاړي لوبول – د یوه لوبغاړي مارکیټ ته وړاندې کول ….