اخیر مې هم الکترونیکي تذکره واخیسته واو

لیکنه : لطیف سروبیوال

په دولتي اداراتو کې خو د رش او بیروبار خبره عادي ده مراجعین ورسره عدت شوي خو یوه نوې اداره چې تر ډیره مې د منظم والي اوریدلي او د کارمندانو د اخلاص خبرې یې هر چېرې کیدې د الکترونیکي تذکره د دفترونو وه

زما هم زړه وشو چې الکترونیکي تذکره واخلم او له دغه پرمختګ برخمن شم یو عدت لرم چې ځانته تلل راته چندیان خوند نه راکوي نو یو همکار پسې مې شله شوم چې دی هم ځان سره بوځم او الکترونیکي تذکرې واخلو ما ویل زه ورتلل به وي او کار خلاصیدل به وي کنه که ډیر ځنډ شو د نن ورځې تر رسمیاتو ختمیدو به مو کار وشي خو خبر نه و چې دا پروسه یوه اوږده پروسه ده او مخکې له مخکې باید ورته پلان برابر کړو

Image result for الکترونیکي تذکره

فورمې مو ډکې کړې را چاپ مو کړې او د مرکز په لور ورغلو ۱۱:۳۰ بجې وې چې مرکز ته ورسیدو خو هلته د غرمې ډوډۍ رخصت و یو ملګري ته مې زنګ ووهه چې همدغه برخه کې کار کوي نو راته یې وویل چې له غرمې وروسته ورشم همدغسې مو وکړل ۳ بجې شاوخوا پدې وتوانیدلو چې فورمې تسلیم کړو او د بایوميټریک لپاره بیا زنګ ته انتظار وباسو

درې ورځې وروسته د بایومیټریک لپاره زنګ راغی ورغلم او بایومیټریک مې له څو ساعتونو ځنډ وروسته ورکړ او د توزیغ یا کارت اخیستنې لپاره یې راته ۲۰ ورځې وخت راکړ زه یوه میاشت وروسته ورغلم، تذکرې اخیستلو پسې یې په هره شعبه وګرځولم خو اخیر مې یو عذر وړاندې کړ چې مرستې ته اړتیا لرم نو یوکس و همکاري یې وکړه کور دې ودان وي تذکره یې راپیدا او راته توزیع کړه

Image result for الکترونیکي تذکره

زه اوس دغه معیاري پیژند کارت په جیب کې ګرځوم د ضرورت په وخت کې یې په ویاړ راخلم او ګټه ترې اخلم تاسو هم الکترونیکي تذکرې واخلئ وخت اخلي مراجعین زیات دي خو دغه کارت پدې ارزي چې ژر تر ژره واخلئ

ځواب دلته پرېږدئ

ستاسو برېښناليک به نه خپريږي. غوښتى ځایونه په نښه شوي *

Back to top button