که غواړئ ښایسته اوسئ کوم خواړه باید وخورئ
په ژمي کې کومې مېوې او سبزیانې وخورو تر څو روغ او ښایسته اوسو
د هر موسم لپاره ځانګړې میوې او سبزیانې پیدا شوي چې خوړل یې په همغه موسم کې ډیرې زیاتې فایدې لري
د ژمي په موسم کې مختلف ډولونه میوې پیدا کیږي، لکه کینو ، مالټه ، نارنج او ځینې نورې میوې چې په پراخه اندازه ویټامن سي لري. دا میوې د ویټامن سي په لرلو سره خوندور خوند لري.
ډیری خلک په ژمي کې تروش او یخ شیان نه خوري دوئ فکر کوي چې دا به یې صحت ته تاوان ورسوي خو حقیقت داسې ندی بلکې دا تروش او د ویټامین سي لرونکي خواړه ډیر ګټور دي او د یخنۍ په وړاندې د بدن مقاومت زیاتوي. دا څنګه کیدای شي چې کومې مېوې دې په ژمي کې پخیږي څنګه دې انسان ته تاوان اړونکې اوسي
په ژمي کې زمونږ بدن ډیر ویټامین سي ته ضرورت لري له همدې امله الله ج د ژمي په موسم کې د ویټامین سي لرونکې مېوې او سبزیانې زمونږ لپاره پیدا کړي، ویټامین سي وینې او د بدن اوبو ته جذبیږي چې د ویښتانو او بدن خاص کر پوستکي لپاره ډیر اړین او ګټور دي ویټامین سي په بوره ، رومیانو مالټو او کینوګانو، نارنجانو، شنو مرچکو ، پیازو، لیمو، انګورو ، پالکو، کچالانو او ځینو نورو میوو او سبزیو کې پیدا کیږي
د یوې څیړنې په وینا ویټامین سي د فالج ناروغانو لپاره ګټوره ده چې د غړو په بیرته حرکت راوستلو کې یې مرسته کوي همدا ډول د فشار ناروغانو او یا هم هغه څوک چې غواړي دغه ناروغي پیدا نکړي ویټامین سي یې په برابر ساتلو او کانټرول کولو کې مرسته کوي، د کولیسټرو، اعصابي فشار ، د هډوکو کمزورتیا ، د نوکانو کمزوري او د وچ او خوشک پوستکي برابر ساتلو کې مرسته کوي
د زړه ناروغیو تر څنګ د ژمې په عادي ناروغۍ یعنې تبه او زوکام کې هم ډیره مرسته کوي چې د بدن مقاومت زیات کړي او د ناروغۍ له منځه وړلو کې مهم رول ولوبوي
هر انسان باید په ورځ کې له ۷۵ تر ۹۰ ملي ګرامه ویټامین سي وخوري کوم خواړه چې مونږ تاسو سره پاس شریک کړي دا یې اصلي منابع دي ګټه ترې واخلئ
