د مخابراتو وزیر دروغجې ژمنې کوي عمل نشته
افغانستان کې بې ارزښته انټرنیټ په لوړه بیه پلورل کیږي
د اترا چیرته ده کمپاین په لړ کې ټولو افغانانو دغه غږ بدرګه کړ چې ولې د ګاونډي هیوادونو په پرتله په افغانستان کې انټرنیټ قیمه پلورل کیږي باید نرخونه دولت کانټرول کړي نه چې مخابراتي شبکې یې په خپل سر په هر قیمت یې چې خوښه وي خرڅ کړي
د دغه کمپاین د بندولو لپاره د مخابراتو وزارت او اترا ادارې د یوې اونۍ وخت واخیست چې د انټرنیټ بیې به ۳۰٪ راښکته کړي او تر څنګ به یې د لا ښه او معیاري خدماتو لپاره هلې ځلې وکړي
نژدې ۶ میاشتې وروسته هم هر څه په هغه زاړه ډول مخته روان دي له کوم چې خلکو شکایت لرلو، ولسمشر هم مخابراتي شبکو ته په خطاب کې ویلي و چې انټرنیټ بیې دې راښکته کړي کنه د دوئ جواز به ور لغوه کړي خو لا هم تر اوسه هیڅ مخابراتي شبکې د بیو ټیټولو ته زړه نده ښه کړی
شبکې د لوړ انټرنیټ پلورلو دلیل د وسایلو او امکاناتو نه شتون او د دوئ په وړاندې پراته ګواښونه ګڼي دوئ وایې چې د مخابراتي پوښښ لپاره دولت هغومره څه ندي کړې چې باید دوئ سره شوي وای د برق نشتون د وسایلو په وخت نه رسیدل او ځینې نور یادوي
مخابراتو وزارت وایې دوئ مخابراتي شبکو ته انټرنیټ یو جي بي په ۹ افغانۍ ورکوي خو مخابراتي شبکې یې په څه دپاسه ۱۰۰ افغانیو یا هم لدې پورته خرڅوي مخابراتو وزارت نوي وزیر فهیم هاشمي د یوې اونۍ په وخت اخیستلو سره د انټرنیټ بیو کې د کمښت خبره کړې وه او په یوه برابره شوې ویډیو کې یې دا یادونه کړې وه چې دی ژمن دی چې له خپلې خبرې دفاع وکړي او د هغه مخابراتي شبکو په وړاندې به جدي اقدامات وکړي کوم چې انټرنیټ په لوړه بیه پلورې او کیفیت یې ټیټ دی
تیره ورځ مدني فعالانو لاریون ترسره کړ چې د انټرنیټ بیې دې د ژمنې سره راکمې او کیفیت دې لوړ شي کنه دوئ به د مخابراتو ورازت دوازې سره خیمه ووهي تر څو چې ژمنې نه وي عملي شوي دوئ به د دغه حق غوښتنه کوي باید ووایې خلک وایې که بیې راټیټې نشوې نو دوئ به د مخابراتو وزیر خلاف کمپاین پیل کړي چې خبري کوي او عمل نشي کو
