کورنۍ یعنې څه؟
تقریبا هر کس په دې نړۍ کې ژوند کوي، ژر یا وروسته یې یو مرستيال موندلی دی اکثره جوړې یې په لسیزو لسیزو ان تر مرګه ګډ ژوند کوي او د ګډ ژوند اساس کورنۍ ږدي چې پکې یوه جوړه یوځای کیږي او د غړو په ډیریدو سره کورنۍ کیږي
د کورنۍ تعریف پدې ډول کولای شو، کورنۍ عبارت له هغو یو ځای والي ده چې د اسلامي قواعدو په رڼا کې سره نارینه او ښځینه د نکاح په قید وتړل شي او د وخت په تیریدو سره بچي ولري عبارت له کورنۍ ده
د کورنیو جوړښت په اړه دوه ډوله نظریې دي یو یې ماډرن یعنې عصري کورنۍ او بل یې عادي یا کلاسیک کورنۍ بلل کیږي
د دواړو کورنیو فرق پدې کې دی چې ماډرن کورنۍ د کمو بچو غوښتونکې وي او په دې باور وي چې څومره کم بچي وي د هغو پالنه اسانه او ورته د اسانتیاوو برابرول اسانه دي
بلخوا بیا د کلاسیکو کورنیو جوړښت کې د ښځې او خاوند تر څنګ د ډیرو بچو لرل وي د ښځې او خاوند تر څنګ په دا ډول کورنیو کې تر لسګونو بچیو زیږول کیږي او هر اړخیزه تربیه یې کیږي
د کورنیو جوړښت د راتلونکې نسلونو او اولادونو د ښه تربیت همدا ډول د ښې راتلونکې لپاره اړین دی همدا ډول د نامشروع اړیکو او د هغو له زیانونو د ژغورنې لپاره د کورنۍ جوړښت مهم دی
د کورنیو جوړښت سره د نسلونو تربیه په منظمه توګه کیږي، د ستونزو او مشکلاتو په وخت کې د یو بل لاسنوی او یو بل ته لاس ورکول د کورنیو له جوړښت رامنځ ته کیږي
