مونږ ریښتونې سوله غواړو – پروژې بس دي
خرتوب ندی پکار سوله کې د ټولو خیر دی
که دا ونشول دا نه کوو او که دا ونشول دا نه کوو، سوله ډیر لوړ کار دی قرباني یې ټولو ښکیلو غاړو ته ورکول پکار دي
د وینې تویدل او بندیدل په ډیره قربانۍ ارزي، که د څو کسانو په قربانۍ موضوع حل کیږي نو دغه انتخاب شوي کسان به په خوښۍ د ځان تر وژلو یا قرباني کولو پورې حاظر شي تر څو دې وطن ته سوله راشي او خلک په ارامه ساه واخلي
اه رښتیا له سولې مې هدف ريښتونې سوله ده هغه سوله چې پکې سپیڅلي طالب او قومندان ته عزت ورکول شي هغه سوله چې پکې سپیڅلي عسکر او کمانډو ته عزت ورکول شي هغه سوله چې پکې د دغې زرینې خاورې هر بچي او هر نښتر ته عزت ورکول شي – داسې سوله د ټولو افغانانو هیله ده داسې سوله هغه خوب دی چې لسیزې یې افغان لیدو ته لیواله دي
مونږ د هیواد په عزت او عزمت لوبې کولو نه غواړو داسې سوله د منلو نده چې پکې یو ته د غلام او بل ته د اتل نوم ورکول کیږي داسې سوله چې پکې هیبت الله او اشرف غني دواړه په یوه نوم یاد شي داسې سوله چې پکې د طالب او عسکر فرق ونشي داسې سوله چې پکې هیڅوک د امتیاز غوښتونکي نه اوسي هر قشر د قربانۍ ورکولو ته تیار دی خو په سر د سودا کولو سوله هیچاته د منلو نده
په یوه ټغر د ملي ګټو لپاره سره راټول شئ داسې پریکړه وکړئ چې پکې مونږ او تاسو دایمي ګټه وکړو دغه هیواد پکې له شته ستونزو خلاص کړو د جګړې ورانې پکې ابادې کړو، د قرباني شوو یتیمانو ته پکې حق ورکول شي د کونډې ورانه جونګړه پکې په ماڼۍ بدله شي – ملي اتلان مو ملي وستایل شي د هیواد له نوامیسو ريښتونې دفاع وشي د یوه خاص پلان لمخې د هرڅه لپآره طرحه جوړه شي
دا وطن ودان وطن دا د لوی افغان وطن دا په مونږه ګران
وطن خاوره د غیرت ده زلزلې لري طوفان لري غرونو کې بازان لري
وچه ډوډۍ دې وي خو سوله دې وي
