په حدیث کي راغلي چي ډیرپخواپه بني اسرائيلوکي یوبدمعاش سړی اولوی قاتل اوسېدی چي ۹۹کسان يې وژلي ول.دغه سړی وغوښته چي توبه اوکړي اوسمي لاري ته راواوړي.نوخلګو ته يې وویل چي یومتقي او عالم شخص ته يې راهنماي کړي ترڅوله بدواعمالو اووژنوتوبه وکړم
خلګ هم خوشحاله سول اویومشهورعابدته یې بوت.هغه ته يې وویل چي ماډیري ګناوي کړي دي او ۹۹ انسانان مي وژلي دي،خواوس غواړم چي توبه وکړم،آیا الله ج به مي توبه قبوله کړي؟
عابد ورته وویل چي ته دونه لوی ګناهکاراود۹۹بیګناه انسانانوقاتل يې، څنګه به دي خدای ج توبه قبوله کړي؟!داهیڅ امکان نه لري،چي خدای ددغسي لوی جنایت کارتوبه ومني.
د دې ځواب په اورېدوسره سړي پردغه عابدهم ګوزاروکړاوځای پرځای يې ووژي اوپه دې ډول سره دسلو کسانوقاتل سو.
وروسته بیايې خلګوته وویل چي ماغوښته توبه وکړم خو هغه عالم مجبورکړم چی ويې وژنم.نواوس یوبل پوه او مدبرعالم راوښیاست چي دتوبې کولو عرض ورته وکړم.هغه وو،چی خلګوداځل یوبل پوه او مشهور عالم ته بوت اوهغه ته يې وویل چي سل مړي مي کړي دي او نور غواړم چي دټولوبدواعمالو اوقتلونوڅخه توبه وکړم،ایا خدای به مي توبه قبوله کړي؟عالم ورته وویل چي دالله لپاره دتوبې دروازه هیڅکله هم بندښت نه لري او تل دهغه ذات په وړاندي توبه قبلیږي.سړي ورته وویل نوڅه وکړم؟عالم ورته وویل چي وروسته له دې به هیڅ وخت هغه تیر ناوړه اعمال نه تکراروې اوعهد به کوې چي بیا هیڅ ظلم او ناروان نکوې،اوددې ښار څخه به پلارنکي ښار ته ځې او هلته به اوسېږې،ځکه هلته ښه او نیک خلګ اوسیږي او دلته ستا دګناهونوځایونه موجوددي.نو هغه وو،چي داسړی هم هماغه ښار ته روان سو،خوپرلاري داجل ملایکه ورته راغله اوروح يې ځني واخیست اومړسو.
وروسته د(عذاب)او(رحمت)ملایکوترمینځ دده په سرمخالفت پیښ سو،یوې وویل چي هغه دتوبې لپاره دالله ج پناه ته روان وو،نوځکه باید جنت ته راهنمايي سی،خودوهمي ملایکي وویل چي يا،بایددوږخ ته يووړل سي،ځکه هیڅکله يې داسي عمل نه دئ کړی چي هغه دي ښه او احسن وي..بالاخره الله ج دانسان په بڼه یوه بله ملایکه ورته راواستوله او هغې ددوی ترمینځ قضاوت وکړی.دغی ملایکی ورته وویل چي له همدې ځایه ددواړوښارونوواټن اندازه کړئ،که دبدۍ ښارته نژدې وو نوباید دوږخ ته یووړل سي اوکه دښادۍ ښارته نژدې وو نو باید جنت ته یووړل سي.کله چي يې داوړي خواوي اندازه کړې نودصلاح ښارته دشرترښارفقط یو وجب نژدې وو او هغه وویل چي ما دمړیني پرمهال ولیدی چي پرسینه دصلاح دښارخواته وروڅکېدی،نوهغه ووچي د (رحمت)دفرشتې نظرومنل سواوخدای يې توبه قبوله کړه اوجنت ته رهنمای سو(متفق علیه)
مشکوة شریف ۱جلد۲۰۳ صفحه