تشویش مکوئ د ټاکنو شوروا پخیدو ته نژدې ده (*_*)
دلته نه، په نورو هیوادونو کې یادوم، ټاکنې وي ترسره شي په همغې ورځ یا یې یو، دوه ورځې وروسته نتیجه راوځي ګټونکی، بایلونکی اعلان شي
ګټونکې یې د خپل برابر شوي پلان لمخې مخته روان شي او پدې فکر کې وي چې ډیر کار وکړي تر څو یې ګوند یا ډله په راتلونکو ټاکنو کې بیا بریا ته ورسیږي او د دوئ ډله دې د تل لپاره په سیمه یا هیواد کې واک په لاس کې ولري
زمونږ او ستاسو ټاکنې خو سمه ده اوښ غوښه ده اور پسې بلوه بلوه خو د پخیدو یې څه فکر نه وي، کله چې یو څه را ښې شي او د پخیدو هیلې یې پیدا شي اور پسې مړ شي مطلب مې له ګلمرجانۍ دی زه یې نه منم تا بایللې ما ګتلې مخکې لدې چې غوښه وکتل شي کاسې یې کتار نه بلکې د دیګ په سر نیولي وي چې زما کاسه زما کاسه …
داسې یو وخت به راشي چې خلک به بیا په دغه ولسواکۍ بیخي بې اعتباره شي خو خدای دې وکړي چې اوس دغه شوروا زر پخه شي او ولس یې په خوند پوه شي
