په نولس کلنو نړیوال جام سیالیو کې افغان راتلونکي ستوري وموندل
که چیرې د نړیوال جام د سیالیو یادونه کیږي او بیا پکې د افغان لوبډلې په لاسته راوړو او ښې لوبې برخه راځي نو د توپ اچونې ستاینه به یې کیږي
د توپ اچونکو د انتخاب په سر کې به د شفیق الله غفاري نوم رامخته کیږي چې نه یواځې په افغان لوبډله کې بلکې په ټولو سیالیو کې یو له هغه توپ اچونکودی چې ډیر لوبغاړي یې سوځولي
د ابراهیم ځدران راتلونکي روښانه ځکه دی چې نوموړی یو تخنیکي لوبغاړی دی او د ښه تخنیک له وجې وار لمخه په ملي لوبډله کې هم لوبیدلی
په تیزو توپ اچوونکو کې فضل الحق لومړیو کې ښه روان و خو وروستۍ سیالۍ یې ډیرې مزیدارې نه وې که څه هم دغه لوبغالي د تیزو توپ اچونکو مرستندویه و
په الراونډرانو چې سترګې ورته اوړي او د راتلونکې لپاره یې هیله مندي پيدا کیږي هغه عبدالرحمن ته اوړي نوموړی د تیزې توپ اچونې تر څنګ په توپ وهنه کې هم ښه لوبغاړی دی که څه هم په دغو سیالیو کې تر ډيرې منډې جوړې نشوی خو تخنیکي اړخ نه ډیر قوی دی
